Fundashon Cas Bonairiano ku wèpsait nobo: yamada na tur su klientenan
Yüni 2022
Resientemente FCB a lansa su wèpsait nobo www.fcb.live ku ta aksesibel pa un i tur. FCB a manda pa tur su klientenan un mail ku un link pa aktivá nan kuenta di FCB via di e wèpsait aki. Aktivando e kuenta aki tantu buskadónan di kas di FCB komo hürdónan di kas di FCB lo por hasi uso di e kuenta privá aki pa risibí diferente servisio ku lo no ta disponibel mas na kantor.
Por ehèmpel FCB lo no yama e buskadó di kas mas na momentu ku tin un kas disponibel. Mediante su kuenta di FCB e buskadó di kas mes mester bai reakshoná riba e kas ku e ta deseá, teniendo kuenta ku e kondishonnan deskribí huntu ku e kas, pa bin na remarke pa e kas ku a bira bashí. Hasi re-inskripshon un biaha pa aña, hasi kambio di datos personal si esaki ta nesesario i tur otro servisionan di FCB. Nos hürdónan tambe mester bai hasi uso di nan kuenta di FCB ku nan aktivá pa por komuniká ku FCB pa diferente petishonnan. Por ehèmpel yena formulario pa kambio di kas, duna un keho tékniko òf keho sosial, pidi deskuento temporal (supsidio di hür) òf kambia datos personal. E kondishon pa por aktivá e kuenta pa por hasi uso di tur e fasilidatnan ku e wèpsait ta ofresé ta ku e kliente mester tin un meil korekto i bálido. Pa duna un splikashon amplio tokante di e wèpsait, kon pa aktivá e kuenta privá i kiko tur ta e benefisionan pa su klientenan, FCB lo tei e siguiente dianan na radio i televishon:
20 yüni 2022 - Radio Live 99.9 - 11:00or
21 yüni 2022 - Radio Bon FM - 8:00or
21 yüni 2022 - Nos TV - 9:35or
21 yüni 2022 - Radio Breezy - 11:15or
21 yüni 2022 - DCTV (TELBO 2 i 73) - 14:00or
Trahadónan di FCB lo ta disponibel tantu na ofisina di FCB i tambe den barionan riba e siguiente dianan pa yuda klientenan aktivá nan kuenta di FCB.
22 yüni 2022 - Kantor di FCB, Kaya Korona 5 - 8:30-12:00
23 yüni 2022 - Kantor di FCB, Kaya Korona 5 - 18:00-20:00
24 yüni 2022 - Kantor di FCB, Kaya Korona 5 - 8:30-12:00
27 yüni 2022 - Sentro di bario Amboina - 18:00-20:00
29 yüni 2022 - Plenchi Carmen Goeloe na Cocari - 18:00-20:00
2 yüli 2022 - Plaza Chiku Goeloe - 10:00-12:00
Pa e klientenan ku no tin meil, FCB lo yuda nan traha un meil di manera ku por aktivá nan kuenta di FCB. Ta pidi ayudo di parti famianan serkano den kaso ku ta trata un persona mayor di edat ku normalmente no ta hasi uso di internet, pa yuda e persona aki dor di por ehèmpel fasilit’é un meil i manehá e kuenta pa e persona, naturalmente ku su pèrmit. Nos ta supliká tur nos klientenan skucha e programanan i hasi bon uso di e dianan ku nos a plania pa yuda.
