Akuerdo pa renobá i mantené sentronan di bario firmá
![](https://static.wixstatic.com/media/ed029c_9867a331b0b248a2b8d047b1814c416b~mv2.jpg/v1/fill/w_147,h_83,al_c,q_80,usm_0.66_1.00_0.01,blur_2,enc_auto/ed029c_9867a331b0b248a2b8d047b1814c416b~mv2.jpg)
Mei 2021
Sentro di bario Nikiboko ta wòrdu renobá kompletamente. Esaki ta parti di un akuerdo firmá entre diputado Nina den Heyer i sr. Ben Oleana di FCB. Banda di e renobashon di Sentro di bario Nikiboko, ta e intenshon pa hasi mantenshon na e sentronan di bario Nort Saliña, Amboina, Tera Kòrá i Antriol/Family Justice Center.
Komo parti di e proyekto ‘Desaroyo integral di bario’ di Direktorado di Komunidat i Kuido, a lansa un programa dirigí riba desaroyo di trabou i kalidat di bida den barionan. Den e proyekto akí tantu e aspektonan físiko komo sosial di e barionan ta haña atenshon, pesei e sentronan di bario ta asina importante komo lugá di enkuentro. Esaki ta krea koheshon sosial den barionan, loke ta aportá mesora na alsa kalidat di bida na Bonaire kompletu.
![](https://static.wixstatic.com/media/ed029c_9867a331b0b248a2b8d047b1814c416b~mv2.jpg/v1/fit/w_207,h_206,q_75/ed029c_9867a331b0b248a2b8d047b1814c416b~mv2.jpg)