A traspasá terenonan di èrfpagt pa proyekto di 500 bibienda
Òktober 2020
E terenonan di èrfpagt primintí pa realisashon di e proyekto di en total 500 kas di hür sosial finalmente a ser pasá pa FCB dilanti di notario, den e último kwartal di 2020. Esaki segun a wòrdu kumbiní i firmá pa Hulanda (Ministerio di BZK), Entidat Públiko Bonaire (OLB) i Fundashon Cas Bonairiano (FCB) den e “Convenant Volkshuisvesting Bonaire van 27 juni 2019”.
Esaki ta hasi posibel pa nos tambe yuda atendé ku e skarsedat grandi ku tin di kasnan bon i pagabel. E traspaso a konfrontá tardansa pa motibu ku un grupo di habitante di e bario Hato a entregá opheshon kontra e plan pa konstruí kasnan sosial den nan bario. Despues di e halamentu di kabuya riba tereno polítiko, loke tabata di spera, finalmente nos a logra pa gobièrnu hasi e traspaso.
