top of page

FCB / Mi ta hür / Reparashon i mantenshon / Hasi trabounan bo mes

Hasi trabounan bo mes

Pa hasi di bo kas bo hogar, kisas lo bo ke adaptá bo kas na bo mes deseonan. Pa adaptashonnan chikitu mayoria biaha ta sufisiente pa bo djis mèldu nan na nos. Pa adaptashonnan mas grandi bo mester tin nos aprobashon promé. Pensa akí riba adaptashonnan ku ta mas difísil pa drai bèk, manera konstrukshon di un 'tuinhuisje' òf un pòrch ku dak.

Mi tin gana di hasi, mi mes, un modifikashon na mi kas di hür. Esaki por?

Ora ku bo ke hasi un kambio den bo kas, esaki no ta bai sin mas. Nos ta pone algun kondishon:

 

  • E kambio mester ta seif i ku material di bon kalidat.

  • E kambio ta kumpli ku eksigensianan di OLB, WEB i brantwer.

  • Bo ta laga trabounan na instalashon di gas i koriente wòrdu hasí dor di instaladónan rekonosé.

  • E kambio no mester trese daño na e kas òf molèster pa besiñanan.

  • Tur rísiko i gastunan, bou di kua ta kai tambe esnan pa mantenshon di e kambio, ta pa bo mes kuenta.

 

Pa tur kambionan permanente, bo ta pidi nos outorisashon promé. Pa esaki bo ta tuma kontakto ku nos. Gustosamente nos lo ke pensa huntu ku bo i tambe nos por ofresé konseho tékniko.

Mi mes a hasi modifikashonnan na mi kas. Mi no a pidi outorisashon pa esaki. Kiko mi por hasi?

 

Bo ta bai muda? E ora ei kisas bo tin ku eliminá nan promé ku bo bai. Por ehèmpel si e modifikashon no ta seif òf e ta di ménos kalidat. Esaki ta na huisio di e empleado tékniko durante e promé inspekshon.

Kua trabounan (kambionan) mi mes no por hasi?

 

Ta trabounan:

 

  • ku ta en pugna ku lei;

  • ku ta preveni nos di hür e kas den futuro;

  • ku ta baha balor di e kas;

  • ku ta trese kambio ireparabel na bista di e kas;

  • ku ta krea situashonnan peligroso;

  • ku ta en pugna ku nos reglanan di maneho.

  • ku no ta hasí segun reglamentunan vigente di konstrukshon;

  • kaminda ku nos trabounan di mantenshon normal no por tuma lugá mas òf no sufisientemente.

 

Pa tur trabou- òf modifikashonnan, bo ta pidi nos outorisashon promé.

bottom of page