Kambio den kontrato di hür
Un kontrato di hür por ta na nòmber di un òf mas persona. Bo ke pone e kontrato di hür na nòmber di un otro persona? Esaki solamente ta posibel si abo i bo pártner tin derechonan igual. Esaki ta asina den kaso di matrimonio, pártnernan registrá komo tal òf hürmentu huntu.
Biba serka e hürdó
Generalmente bo ta hür un kas pa un periodo mas largu den bo bida. Ta bien posibel ku bo a hür un kas bo so, pero ku despues bo ke bai biba huntu ku otro(nan). Of ku un ruman òf konosí ta bin biba serka bo.
Si bo ta hür un kas na FCB i bo ke laga un hende bin biba serka bo, bo tin ku pidi pèrmit pa esaki. Bo por entregá bo petishon den forma di un karta na nos ofisina òf bo por meil e na [email protected]. Huntu ku esaki bo mester manda un identifikashon bálido (sédula, pasport), prueba di entrada (slep di salario, deklarashon di djòp, deklarashon di AOV òf ònderstant èts.) i un deklarashon di adrès di Registro Sivil. Ora ku nos a risibí tur e dokumentonan, nos lo evaluá bo petishon. Tur kos ta na òrdu? E ora ei bo ta risibí di nos un karta òf imeil den kua nos ta duna bo pèrmit pa tal. E persona en kestion e ora ei ta bira miembro di famia i no ko-hürdó.
Atenshon!
- E persona ku ta biba huntu ku bo, no tin outomátikamente mesun derecho i debernan ku bo. Abo ta keda responsabel pa e kas i pa loke ta sosodé den dje. Dia ku abo terminá e kontrato di hür, esun ku ta biba huntu ku bo no tin derecho pa kontinuá ku e hür.
- E haltura di bo deskuento temporal ta dependé di bo situashon, manera bo entrada i e konstelashon di bo famia. Na momentu ku bini kambio den esaki, e por tin konsekuensia pa bo deskuento.
Hürmentu huntu (ko-hürmentu)
Bo ta ko-hürdó na momentu ku bo nòmber tambe ta aparesé riba e kontrato di hür. Bo ta kasá ku òf pártner registrá di e promé hürdó? E ora ei outomátikamente bo ta ko-hürdó. Komo ko-hürdó bo tin e mesun derecho i debernan ku e promé hürdó.
​
Bo ta biba huntu pa mas ku 5 aña kaba i bo tin un hogar konhunto pero bo no ta kasá òf registrá komo pártner? E ora ei e promé hürdó por pidi ko-hürmentu. Bo por entregá bo petishon den forma di un karta na nos ofisina òf bo por meil e na [email protected]. Huntu ku esaki bo mester manda un identifikashon bálido (sédula, pasport), prueba di entrada (slep di salario, deklarashon di djòp, deklarashon di AOV òf ònderstant èts.) i un deklarashon di adrès di Registro Sivil. Ora ku nos a risibí tur e dokumentonan, nos lo evaluá bo petishon. Tur kos ta na òrdu? E ora ei bo ta risibí di nos un karta òf imeil den kua nos ta duna bo pèrmit pa tal. E persona en kestion e ora ei ta bira ko-hürdó i no miembro di famia.
​
Baha: