E RvT ta responsabel pa kalidat di su propio funshonamentu i den kuadro di e metanan sosial di e fundashon, spesífikamente e ta trata pa tene bista riba tur esfuersonan pa hasi rísikonan transparente i manehabel. E kuadro di kontròl ta ser stipulá den diálogo entre Gerensha i RvT i di tur manera ta kontené e siguiente dokumentonan di maneho: Statutonan, e Reglamentu di RvT, e Reglamentu pa Gerensha, e Plan anual i Presupuesto i e Resumen di aña i Kuenta anual. E RvT ta aktua a base di e kompetenshanan deskribí den e statutonan. E funshonamentu di e RvT ta deskribí den e Reglamentu pa e Hunta di Supervishon.