E sekshon 'Woondiensten' ta e promé punto di kontakto pa hürdónan, esnan ku ta en buska di bibienda i relashonadonan. Semper nan ta pará kla pa tur pregunta di hürdónan i buskadónan di kas. Banda di e sekshon akí nos tin e sekshon di Finansa ku ta sòru pa e guia finansiero i di asuntunan relashoná ku bibienda popular di e organisashon. E sekshon 'Vastgoed' ta responsabel pa kondishon físiko di e propiedat inmóbil: mantenshon spontáneo i komo proyekto, renobashon i konstrukshon di kasnan nobo. No solamente pa kasnan sosial di hür i kompra, sino tambe pa propiedat inmóbil di e diferente institushonnan sosial i komersial. E asesor di gerensha ta ehekutá tambe trabounan relashoná ku Asuntunan di personal i e ta asesorá gerensha. Guia general di Fundashon Cas Bonairiano ta den man di un Gerente. E Gerente, e Asesor di gerensha i e tres mènedjernan huntu ta forma e tim di maneho di FCB.