FCB / Enkuanto nos / Supervishon / Kódigo di integridat i kondukta
Kódigo di integridat i kondukta
Meta di e kódigo di integridat i kondukta ta pa definí komportashon generalmente aseptabel dentro di FCB. E kódigo tei pa perkurá ku empleadonan ta hasi nan trabou na un manera sinsero, íntegro i transparente teniendo kuenta ku derechonan legítimo di kada un riba kua nan komportashon tin influensha.
​
Riba algun punto nos ta formulá e kódigo di integridat i kondukta den forma di reglanan konkreto; riba otro puntonan den forma di liñanan general di kondukta. E kódigo ke proveé aden ku empleadonan, dentro di e konteksto spesífiko, ta interpretá, husga i evaluá nan aktuashon debidamente.
​
FCB ke pa e kódigo di integridat i kondukta akí den práktika ta mas ku un selekshon di reglanan. E kódigo ta intenshoná pa hunga un ròl práktiko den e maneho diario, kaminda ku tur ta biba e reglanan akí al pie de la letra.
​
E kódigo di integridat i kondukta akí ta bálido pa tur hende ku ta aktua na nòmber di FCB. Pues no solamente pa empleadonan, forsa laboral temporal i stazjèrnan, sino tambe pa Gerensha i Hunta di Supervishon di FCB. Tambe ta ser sperá di empleadonan di kompania- i instanshanan ku ta traha ku enkargo di FCB, ku nan ta aktua den espíritu di e kódigo akí.
​
Baha: