Laga kas di hür atras

Laga kas di hür atras

Ta importante pa bo laga bo kas di hür atras bashí i limpi i ku e kurá limpi i na òrdu. Ademas e trabounan ku bo a palabrá ku e kontroladó di lo hasi, mester ta kla.

Kon mi ta laga mi kas atras despues di a terminá e hür?

Bo ta laga e kas atras bashí i limpi i e kurá limpi i na òrdu. E trabounan kumbiní riba e formulario di inspekshon mester ta hasí.

Promé ku bo sali...

bo ta drecha tur dañonan hasí den e kas;
bo ta laga plafònt i murayanan atras den bon kondishon;
bo ta sòru pa tur kozein i portanan ta den bon kondishon i ku murayanan paden ta bon di fèrf;
bo ta eliminá tur hak, skruf, klabu, plùk i steker i sera tur e burakunan pa esakinan;
bo ta eliminá tur restu di foum i leim ku a sirbi pa pega linolio òf tapeit;
bo ta sòru pa tur swich i stòpkòntakt, i e tapanan pa esakinan, ta limpi i sin mancha di fèrf;
bo ta limpia e sanitario, kushina, kozein i bentananan;
bo mester sòru tambe pa henter e kurá ta limpi i bunita;
bo ta kòrda pa limpia e kònteiner di sushi, ku bo no ta bai kuné

Pa evitá pèrdida òf ladronisia, nos ta konsehá bo pa laga e kònteiner di Selibon atras den e kas.

E kas mester ta entregá bèk den mesun kondishon ku bo a hañele.

Kiko ta pasa ku e kambionan ku mi mes a hasi na e kas ora mi ta bai sali?

E funshonario tékniko ta evaluá e kambionan akí durante e promé inspekshon. E kambionan lo por keda, si nan ta:

téknikamente na òrdu
bon mantené
kumpli ku eksigensianan tékniko i di seguridat
nan no ta stroba hürmentu di e kas na un próksimo hürdó

Semper bo por kibra e partinan ku bo mes a hasi òf bai ku nan. E ora ei bo tin ku hasi reparashon si di eventual daño hasí. Konsultá ku e kontroladó tékniko, ku plaser e ta konsehá bo den esaki!

Despues di e promé inspekshon bo ta risibí un formulario riba kua ta pará tur loke bo tin ku hasi na e kas. E trabounan mester ta hasí promé ku bo entregá e yabi na nos. Tambe ta posibel pa bo laga nos hasi e trabounan akí (dor di un kontratista), kontra pago. Lo bo risibí adelantá un bista di e gastunan.

Atenshon!

No lubidá di mèldu bo mudansa na WEB, Telbo, Flamingo TV èts., i pa informá Registro Sivil di bo kambio di adrès.

Pregunta?

Bo a keda ku pregunta despues di a lesa e informashon akí? Nos empleadonan ku plaser lo ke kòmbersá ku bo.

Nos ta desea boso hopi eksito ku bo mudansa!