Kurá i balkon

Kurá i balkon

Mi besiñanan no ta mantené nan kurá. Serka ken mi por mèldu esaki?

Bo ta haña ku bo besiñanan no ta mantené nan kurá bon? Papia ku bo besiñanan di esaki bo mes promé. Splika nan e motibunan di bo molèster i wak si kisas huntu boso por yuda otro. Bo besiñanan no ta tuma akshon? E ora ei tuma kontakto ku nos.

Kiko boso lo hasi si mi no ta mantené mi kurá bon?

E ora ei nos lo papia ku bo di esaki. Huntu ku bo nos ta stipulá un fecha riba kua bo mester tin e kurá na òrdu. Bo no a tene bo mes na esaki? E ora ei nos lo (laga) limpia e kurá. E gastunan ta pa bo kuenta.

Kiko boso ta ferwagt dimi tokante di mantenshon dimi kurá?

Bo por organisá bo kurá segun bo propio gusto, pero nos ta pone un par di kondishon. Nos ta haña importante ku bo kurá ta duna un impreshon bon kuidá. Pues nada di mata i yerba shimaron, takinan ku ta tira pafó i waya di kurá kibrá.
Snuimentu di palunan ta bo responsabilidat. Palunan no mag krese muchu haltu pa bira molèster òf kousa daño na e kas.
Bo kurá di kas no ta destiná pa warda outo bieu i/òf boto. Tampoko e kurá por ta yená ku pertenensianan bieu i sushi gròf.

Prosedura 'Limpiamentu di kuránan di FCB'

Na prensipio di kada aña FCB ta manda un karta ku instrukshonnan general pa kada hürdó, e "Instrukshonnan pa tur hürdó".
Hürdónan ta haña promé atvertensia (nan tin 2 siman pa remediá e situashon).
Hürdónan ta haña segundo atvertensia (nan tin 2 siman pa remediá e situashon).
Hürdónan ta haña último atvertensia.
Den esaki tin pará e dia i ora ku FCB, representá pa e inspektor di bario, kompania di limpiesa i e dùrwarder di korte lo subi e terenonan pa hasi limpiesa i laga hasi e trabounan pa remediá e situashon.
E dùrwarder ta kobra $150 (eklusivo 6% ABB) pa kada prosèsvèrbal di konstatashon. Esaki huntu ku e kostonan pa hasi limpiesa ta kostonan pa e hürdó.
Den kaso ku e hürdó no ke paga e gastunan di e prosèsvèrbal i di e limpiesa, FCB por intrega un petishon pa mandato di pago ne korte di hustisia.