E organisashon CANEYE e ser fundá na mart 2009 ku komo meta defendé e interesnan komun riba tereno di bibienda popular i pa promové koperashon i kontaktonan na interes di bibienda popular den mas ámplio sentido di palabra.
E diferente fundashonnan ta bini huntu dos bes pa aña, kada biaha na un di e islanan.
Riba dianan 15 i 16 di yüli a toka turno na Bonaire i Fundashon Cas Bonairiano tabata anfitrion. Tabata dos dia hopi interesante ku e.o. diferente presentashon. Koleganan di Aruba (FCCA), Kòrsou (FKP) i Sint Maarten (SMHDF) tabata presente durante e enkuentronan.