Dor di Ministerio di BZK, den kuadro di e idea pa baha e tarifanan di hür den e segmento sosial mas ainda dor di mehorá e supsidio di hür, aprobashon a ser duná. E hürdónan por risibí un ‘deskuento temporal’ (supsidio di hür), dependiendo di nan entrada familiar. Pero pa determiná kua hürdó ta kalifiká nan mester hasi un petishon pa e deskuento temporal. Esaki ta posibel via e wèpsait òf dor di buska e formulario na FCB. Un konferensia di prensa riba dia 31 di mart tabata parti di e kampaña di konsientisashon kaminda FCB a informá henter komunidat boneriano, prinsipalmente su hürdónan via (medionan sosial) di komunikashon.