Inisio di proyekto 'Aserkamenu di pobresa energétiko' ku firmamentu di akuerdo entre FCB i WEB riba 28 di yüni 2023
Yüni 2023
Un gran parti di e kasnan di hür sosial na e proyekto nobo di konstrukshon na Hato lo ta efisiente energétikamente: lo instalá panel solar riba nan ku almasenamentu di bateria.
FCB ke implementá e proyekto piloto 'Panelnan solar i almasenamentu pa e kasnan di hür sosial di FCB', kaminda ta buska pa redusí e gastunan di bibienda pa habitantenan dor di uso di panel solar. Pa esaki, e ministerionan di Asuntunan Interno i Relashonnan den Reino (BZK) i Asuntunan Ekonómiko i Klima (EZK) huntu a pone € 900,000 disponibel, sufisiente pa proveé 118 kas ku panel solar i e baterianan. WEB (Water- en Elektriciteitsbedrijf Bonaire) ta monitor e proyekto piloto pa asina haña un mihó bista di datonan konkreto enkuanto konsumo, perfil di konsumo, peso riba e ret di koriente èts.
