FCB ta yuda hürdónan yena petishon pa deskuento temporal
Mart 2024
For di 31 di mart 2024 e periodo pa hasi petishon pa deskuento temporal ofisialmente ta kuminsá. Hürdónan ta risibí un karta na kas ku informashon di preis di hür entrante 1 di yüli 2024, ku e petishon pa apliká pa deskuento temporal.
Aplikando pa deskuento temporal, e hürdó lo por yega na remarke pa supsidio di hür, esta un deskuento temporal riba e preis di hür. FCB lo evaluá kada petishon abase di e tabla di entrada nobo. Pa por apliká pa deskuento temporal, tur hürdó mester tin su kuenta di Mi FCB trahá. Pa traha e kuenta mester subi nos wèpsait www.fcb.live i skohe traha kuenta pa hürdó eksistente. Hürdónan ku mester di yudansa pa traha kuenta i yena petishon pa deskuento temporal, por pasa libremente na nos ofisina situá na Kaya Korona 5. Nos lo tin dianan èkstra pa yuda riba:
15 aprel 2024 di 09:00-12:00, i 13:30-17:00
16-17 aprel 2024 di 08:00- 12:00, i 13:30-17:00
22 aprel 2024 di 09:00-12:00, i 13:30-17:00
23-24 aprel 2024 di 08:00- 12:00, i 13:30-17:00
29 aprel 2024 di 09:00-12:00, i 13:30-17:00
Ta importante pa enfatisá ku e hürdó mester tin tur dato ku ta aplikabel pa su famia huntu kuné, na momento ku akudí pa yudansa na ofisina. Sin ID bálido, komprobante resien di tur entrada, komprobante di entrada ku no tin mas i òf informashon di yunan 16+ aña ku ta bai skol manera deklarashon di skol òf rapòrt, nos no por tuma e petishon na konsiderashon. Nos ta supliká tur nos hürdónan pa hasi bon uso di e dianan di yudansa. Si tin pregunta por pasa òf yama na 717-8042 / 796-6016.