Huntu ku su delegashon, De Jonge a papia tokante entre otro, akselerashon di e proyekto aktual di konstrukshon di 500 kas nobo i tokante un agènda di trabou pa Boneiru den kua ta pone akuerdonan ku ta trata bibienda entre Gobernashon (ministerio BZK), OLB i FCB. Ministerio di BZK lo duna FCB un suma di 7.7 miyon euro komo aporte propio, na benefisio di akselerashon di e proyekto di konstrukshon ku ta tumando lugá na Hato. E delegashon a hasi tambe un rekorido kaminda nan por a bishitá e tereno di konstrukshon na Hato. Segun De Jonge, tur opshon ta ser konsiderá pa konstruí i biba riba e isla, inkluso mas kas di hür sosial i kasnan pagabel pa esnan ku tin un entrada medio.