A traspasá terenonan di èrfpagt pa proyekto di 500 bibienda
![](https://static.wixstatic.com/media/ed029c_0c1495dc319e4eb592fe7901f84660b8~mv2.jpg/v1/fill/w_147,h_80,al_c,q_80,usm_0.66_1.00_0.01,blur_2,enc_auto/ed029c_0c1495dc319e4eb592fe7901f84660b8~mv2.jpg)
Òktober 2020
E terenonan di èrfpagt primintí pa realisashon di e proyekto di en total 500 kas di hür sosial finalmente a ser pasá pa FCB dilanti di notario, den e último kwartal di 2020. Esaki segun a wòrdu kumbiní i firmá pa Hulanda (Ministerio di BZK), Entidat Públiko Bonaire (OLB) i Fundashon Cas Bonairiano (FCB) den e “Convenant Volkshuisvesting Bonaire van 27 juni 2019”.
Esaki ta hasi posibel pa nos tambe yuda atendé ku e skarsedat grandi ku tin di kasnan bon i pagabel. E traspaso a konfrontá tardansa pa motibu ku un grupo di habitante di e bario Hato a entregá opheshon kontra e plan pa konstruí kasnan sosial den nan bario. Despues di e halamentu di kabuya riba tereno polítiko, loke tabata di spera, finalmente nos a logra pa gobièrnu hasi e traspaso.
![](https://static.wixstatic.com/media/ed029c_0c1495dc319e4eb592fe7901f84660b8~mv2.jpg/v1/fit/w_207,h_206,q_75/ed029c_0c1495dc319e4eb592fe7901f84660b8~mv2.jpg)