Den e siman di 14 pa 18 di yüni 2021 FCB a organisá durante henter siman ‘workshop’nan pa sigui interkambiá di idea pa yega na un maneho di apuntashon i urgensha adekuá. Henter e siman a transkurí bou di guia di señora van de Veerdonk, konsehero pa asuntunan di bibienda popular, den koperashon ku señora Kessels di fundashon ‘thuis. E resultado di e reunionnan ta poné i firmá den un nota di apoyo komo resultado di e koperashon i kordinashon entre FCB, OLB, SZW i e ‘Woonteam’. Den e lunanan benidero tantu e maneho komo e proseso ta bai ser desaroyá i mehorá mas aleu, konhuntamente den e grupo di trabou. Ta e intenshon pa den e tempu benidero sigui elaborá riba e maneho i asuntunan pariente (e.o. e institushon di un komishon di urgensha) pa yega na implementashon den e aña ku ta bini.