Tèrminá kontrato di hür

Tèrminá kontrato di hür

Bo por tèrminá bo kontrato di hür tur momentu, solamente teniendo kuenta ku un término di un luna di preaviso. Pero mas largu bo periodo di preaviso, mas tempu bo tin pa regla bo asuntunan. Pensa por ehèmpel den lagamentu di e kas nèchi atras.

Baha formulario:

Terminashon di kontrato di hür

Preguntanan hopi hasí

Kon mi ta tèrminá mi kontrato di hür?

Paso 1.

Bo tin un temporada di un luna di preaviso

Ehèmpel: si bo ke entregá e yabinan pa dia 31 di òktober, e ora ei bo petishon pa terminá e kontrato di hür mester ta entegá na FCB dia 30 di sèptèmber òf promé.

Paso 2.

Klek riba e formulario di kanselashon di hür i yena esaki. E formulario akí lo resultá serka e sekshon 'Woondiensten'.

Paso 3.

Un empleado di e sekshon 'Woondiensten' lo tuma kontakto telefóniko òf via imeil ku bo pa konfirmá bo petishon i pa plania e promé inspekshon.

Akí nan bo por baha i prent e formulario di chekeo terminashon di hür. Esaki ta e puntonan ku FCB ta kontrolá. Entregá nan den bon kondishon i evitá gastu.

Paso 4.

Un empleado di e sekshon 'Vastgoed' lo hasi e inspekshon i a base di e formulario di inspekshon lo laga bo sa kiko ta e trabounan ku mester tuma lugá na e kas.

Paso 5.

Un siman promé ku e entrega e empleado di 'Vastgoed' ta bolbe pasa pa un segundo inspekshon. Si bo no a kumpli òf no a kumpli debidamente ku e instrukshonnan, e ora ei un kalkulashon di e gastunan lo laga sa si bo ta haña bo depósito bèk kompletu òf parsial. Tin kasonan kaminda ku e depósito no ta sufisiente i ku mester paga aserka. Hasimentu di kuenta final ta tuma lugá dentro di un siman.

Paso 6.

Riba e último dia di hür FCB lo pasa serka bo pa e entrega. E ora ei bo ta entregá tur yabi.

Ainda bo tin pregunta? E ora ei bo por bèl nos ku bo pregunta.

Bo ta preferá kontakto personal? Bo ta bonbiní na nos ofisina.

Mi a entregá un fecha pa tèrminá e kontrato di hür. Mi por kambia e fecha ainda?

Tèrminashon di un kontrato di hür ta definitivo. Bo no por drai e bèk. Den kasonan masha eksepshonal nos por hasi eksepshon. Pensa por ehèmpel riba un divorsio, fayesimentu di bo pártner òf un malesa grave, hasiendo ku bo no por muda pa bo kas nobo. Den kasonan asina bo ta tuma kontakto ku nos mas pronto posibel.

Mi ke tèrminá mi kontrato di hür. Kiko ta e periodo di preaviso?

Mayoria biaha e periodo di preaviso ta un luna. E luna ei ta kuminsá konta riba e dia ku nos risibí bo petishon. E último dia di hür semper mester ta un dia di trabou. Pa e motibu akí por sosodé ku e periodo di preaviso ta bira un luna i un par di dia.

Naturalmente bo por tuma un lapso di tempu mas largu pa notifiká di ke terminá e kontrato di hür. Asina bo tin mas tempu pa entregá e kas den bon estado.

Otro hende por tèrminá e kontrato di hür pa mi?

Nò, solamente esun ku su nòmber ta riba e kontrato di hür por tèrminá esaki. Bo tin un ko-hürdó? E ora ei boso dos ta firma pa tèrminá e kontrato.

Mi ko-hürdó ke muda, pero ami (hürdó) ke keda den e kas. Kon nos ta regla esaki?

Abo ta e hürdó. Manda un karta via [email protected] ku e petishon, firmá dor di boso dos. Bo ta risibí un konfirmashon por eskrito di bo petishon. Dentro di 14 dia nos ta manda kontesta riba bo petishon.

Mi (hürdó) ke muda, pero mi ko-hürdó ke keda den e kas. Kon nos ta regla esaki?

Abo ta e hürdó. Manda un karta via [email protected] ku e petishon, firmá dor di boso dos. Bo ta risibí un konfirmashon por eskrito di bo petishon. Dentro di 14 dia nos ta laga bo sa si bo petishon a ser akordá.

Mi mes por disidí riba kua fecha mi ta tèrminá e kontrato di hür?

Bo por tèrminá e kontrato di hür riba kualkier dia di luna. E tempu pa notifikashon mayoria biaha ta un (1) luna i e último dia di hür mester kai riba un dia di trabou. Por ehèmpel si bo petishon ta hasí 13 di yüli, e último fecha di bo kontrato ta 13 di ougùstùs. E dia di bo eskoho ta kai den wikènt òf riba un dia di fiestá? E ora ei bo ta skohe e promé dia di trabou despues di e fecha ei.

Ki ora mi ta risibí un konfirmashon ku mi ke tèrminá e kontrato di hür?

Dentro di 3 dia di trabou bo ta risibí, via imeil, un konfirmashon di bo petishon pa tèrminá e kontrato di hür.